Nesta entrada podedes atopar información
e novidades sobre os cambios que vai establecendo a administración educativo
segundo a evolución do estado de alarma. Intetaremos actualizalo o mais
posible. En calquera caso, lembrade que podedes acceder á información a través
da web da consellería de educación, da ciug, das distintas universidades ou do
ministerio de educación, dependendo do que vos interese.
Aprazada a proba para a obtención do título de bacharelato para maiores de 20 anos, prevista para o 24 de abril
A Consellería de Educación, Universidade e Formación Profesional apraza a realización da proba para a obtención do título de bacharelato para maiores de vinte anos na modalidade de Ciencias e nos dous itinerarios da modalidade de Humanidades e Ciencias Sociais, prevista para o día 24 de abril, debido á situación provocada pola pandemia causada polo Covid-19. Proximamente, en función da evolución da pandemia, publicarase un novo calendario.
Así mesmo quedan pendentes de actualización a data de publicación da listaxe provisional de persoas admitidas e excluídas e o período de reclamación contra esa listaxe provisional.
O obxectivo desta proba é que as persoas que non obtiveron esta cualificación a través das ensinanzas reguladas poidan contar con este título a través da participación nunha proba libre na modalidade de Ciencias e nos dous itinerarios da modalidade de Humanidades e Ciencias Sociais.
ABAU
A Consellería de educación e a CIUG
acordaron o 30 de marzo que as datas da ABAU serán os días 7, 8 e 9 de xullo
para a convocatoria ordinaria.
Formación Profesional
Entre outras novidades, o Ministerio de
Educación estableceu que as probas de acceso a estas ensinanzas para aqueles
que non posúan os requisitos académicos quedan pospostas o tempo necesario,
chegando incluso á primeira quincena de xullo.
Segunda e terceira
avaliacións
Na conferencia sectorial entre CCAA e Ministerio de educación "acordouse avaliar o segundo trimestre co traballo desenvolvido ata a interrupción das clases presenciais e modificar os contidos e competencias básicas previstas para o terceiro trimestre. Estas modificacións abordaranse nunha xuntanza en abril".
Na conferencia sectorial entre CCAA e Ministerio de educación "acordouse avaliar o segundo trimestre co traballo desenvolvido ata a interrupción das clases presenciais e modificar os contidos e competencias básicas previstas para o terceiro trimestre. Estas modificacións abordaranse nunha xuntanza en abril".
No hay comentarios:
Publicar un comentario